Avtomobil yolu - tunel

Layihənin Məqsədi və Əhəmiyyəti Layihə 2025–2030-cu illər üçün Dövlət Proqramı çərçivəsində Bakı Metropoliteninin infrastrukturunun modernləşdirilməsi və şəhərdaxili nəqliyyat axınının optimallaşdırılması məqsədilə həyata keçirilir. "İçərişəhər" stansiyasının arxasında inşa edilən yeni dalan (dönmə) kamerasının və çoxsəviyyəli yeraltı avtomobil dayanacağının əsas üstünlükləri:
İntervalın Azaldılması və Manevr Çevikliyi: Qatarların təhlükəsiz və sürətli manevr etməsi təmin olunaraq, xətt üzrə qatarlararası hərəkət intervalı minimuma endiriləcək.
Texniki Ehtiyat və Gecələmə: Pik saatlar üçün ehtiyat qatarların saxlanılması, qatarların gecələməsi və texniki xidmətin operativ təşkili üçün xüsusi zona formalaşdırılacaq.
Fasiləsiz Xidmət: Bütün tikinti-quraşdırma işləri mövcud stansiyanın fəaliyyəti və sərnişin daşınması dayandırılmadan paralel icra olunur.
Kompleks Şəhərsalma Həlli: Ərazinin yeraltı hissəsində müasir tələblərə cavab verən çoxmərtəbəli avtomobil parkinqi tikiləcək, yerüstü sahə isə abadlaşdırılaraq piyada və yaşıllıq zonasına çevriləcək.
Əsas Texniki Göstəricilər və İş Həcmləri Tikinti Şaxtası:
Diametri 16 m, dərinliyi 50 m təşkil edən şaxta qurğusu.
Perimetr boyu dərinliyi 50 m olan 44 ədəd Ø1200 mm qazma svay və monolit dəmir-beton bərkidici qurşaqlar.
Dönmə Tuneli (NATM üsulu ilə):
Ümumi uzunluğu 449.39 metr təşkil edən 4 fərqli kəsikli (A, C, T və T13 tipli) tunel qolları:
- A tipli tunel: Uzunluğu 275.89 m (S = 25.52 m2)
- C tipli tunel: Uzunluğu 69.02 m ($S = 102.80 m2)
- T tipli tunel: Uzunluğu 6.10 m (S = 89.19 m2)
- T13 tipli tunel: Uzunluğu 64.60 m (S = 157.56 m2)
Qazma işləri Yeni Avstriya Tunelçilik Metodu (NATM) ilə qabaqlayıcı çətirvari borular (umbrella arch), qrunt ankerləri, püskürtmə beton (shotcrete) və sürüşən metal qəlib sistemli monolit dəmir-beton üzlüklə aparılır.
1 140 m R50 tipli rels və 9 dəst yoldəyişən qurğu quraşdırılacaq.
Yeraltı Avtomobil Dayanacağı:
Ümumi sahəsi 7 795.28 m2 təşkil edən 6 yeraltı mərtəbəli (200-dən çox avtomobil tutumlu) kompleks.